ܟܝܼܣܝܵܬܹܐ ܕܓܲܢܬܵܐ ܕܫܲܒܼܪܹܐ (Kinder Kits) - (ܐܵܬܘܿܪܵܝܵܐ) Assyrian

ܛܲܐܲܠܬܵܐ ܝܼܠܵܗܿ ܐܘܼܪܚܵܐ ܡܲܚܡܸܠܵܢܬܵܐ ܘܡܲܒܠܸܓܵܢܬܵܐ ܠܣܢܵܕܵܐ ܝܘܼܠܦܵܢܵܐ ܘܡܛܲܘܪܵܢܘܼܬܵܐ ܕܫܲܒܼܪܵܢܵܘܟܼܘܿܢ. ܐܲܒ݂ܵܗܹ̈ܐ، ܝܵܨܘܿܦܹ̈ܐ ܘܒܲܝܬܘܼܝܵܬܹ̈ܐ ܝܼܢܵܐ ܚܲܕ݉ ܣܲܗܡܵܐ ܓܘܼܒ݂ܪܵܐ ܕܗ̇ܘ ܚܙܘܼܩܝܵܐ.

ܟܝܼܣܝܵܬܹܐ ܕܓܲܢܬܵܐ ܕܫܲܒܼܪܹܐ ܡܸܠܝܹܐ ܝܢܵܐ ܡܼܢ ܟܬܵܒܼܹܐ، ܒܘܼܩܝܵܬܹܐ ܘܥܵܒܼܘܿܕܘܵܬܹܐ ܝܘܼܠܦܵܢܵܝܹܐ ܥܒܼܝܼܕܹܐ ܩܵܐ ܫܲܒܼܪܵܘܟܼܘܿܢ ܘܒܲܝܬܘܼܬܵܐ ܩܵܐ ܚܡܵܠܬܵܐ ܓܵܘ ܒܲܝܬܵܐ.

ܟܠ ܚܕܵܐ ܟܝܼܣܬܵܐ ܕܓܲܢܬܵܐ ܕܫܲܒܼܪܹܐ ܟܹܐ ܚܵܒܼܫܵܐ ܡܸܢܕܝܼܵܢܹܐ ܥܒܼܝܼܕܹܐ ܕܝܼܠܵܢܵܐܝܼܬ ܩܵܐ ܫܲܒܼܪܹܐ ܒܥܘܼܡܪܵܐ ܕܬܠܵܬ ܫܸܢܹܐ.

ܟܲܪܟܘܼܒܼܵܐ ܕܦܘܼܠܚܵܢܵܐ ܕܝܠܵܦܬܵܐ ܘܕܡܛܲܘܪܵܢܘܼܬܵܐ ܕܫܸܢܹܐ ܒܟܼܝܼܪܵܝܹܐ ܓܵܘ ܒܼܸܟܬܘܿܪܝܵܐ

ܡܲܠܦܵܢܹ̈ܐ ܕܫܲܒܼܪܘܼܬܵܐ ܒܟܼܝܼܪܵܝܬܵܐ ܘܡܬܲܠܡܸܕܵܢܹ̈ܐ ܣܵܢܕܝܼ ܠܫܲܒܼܪܵܘܟܼܘܿܢ ܕܓܲܪܘܸܣ ܘܝܵܠܹܦ.

ܚܘܼܪܙܹܐ ܕܓܲܢܬܵܐ ܕܫܲܒܼܪܹܐ ܟܹܐ ܡܲܦܠܸܚܝܼ ܠܟܲܪܟܘܼܒܼܵܐ ܕܦܘܼܠܚܵܢܵܐ ܕܝܠܵܦܬܵܐ ܘܕܡܛܲܘܪܵܢܘܼܬܵܐ ܕܫܸܢܹܐ ܒܟܼܝܼܪܵܝܹܐ ܓܵܘ ܒܼܸܟܬܘܿܪܝܵܐ (VEYLDF).

ܟܠܚܲܕ ܡܸܢܕܝܼ ܓܵܘ ܟܝܼܣܬܵܐ ܕܓܲܢܬܵܐ ܕܫܲܒܼܪܹܐ ܟܹܐ ܐܵܣܹܪ ܥܲܡ 1 ܝܲܢ ܒܘܼܫ ܙܵܘܕܵܐ ܡܼܢ ܚܲܕ ܡܼܢ ܦܠܵܛܹܐ ܕܝܠܵܦܬܵܐ ܘܕܡܛܲܘܪܵܢܘܼܬܵܐ ܓܵܘ VEYLDF:

ܓ̰ܲܢܝܵܬܹܐ ܕܚܲܨܵܐ ܕܟܝܼܣܬܵܐ ܕܓܲܢܬܵܐ ܕܫܲܒܼܪܹܐ ܡܵܨܝܵܢܬܵܐ ܝܠܵܗܿ ܡܲܦܠܲܚܬܲܝܗܝ ܟܠܝܘܿܡ.

ܫܲܒܼܪܵܘܟܼܘܿܢ ܡܵܨܹܐ ܡܲܦܠܸܚ ܠܪܫܵܡܬܵܐ ܕܨܘܼܪܝܵܬܹܗ ܥܲܠ ܚܲܨܵܐ ܕܩܸܛܥܵܐ ܕܪܘܼܫܡܵܐ ܕܘܲܪܵܩܵܐ ܚܠܝܼܡܵܐ، ܩܵܐ ܕܝܵܕܥܝܼ ܐܲܝܢܝܼ ܓ̰ܲܢܬܵܐ ܝܼܠܵܗܿ ܕܕܝܼܲܝܗܝ.

ܦܬܘܿܚܘܼܢ ܠܵܗܿ ܓ̰ܲܢܬܵܐ ܕܚܲܨܵܐ ܘܚܟܘܿܡܘܼܢ ܠܵܗܿ ܒܠܸܫܵܢܹܐ ܕܦ̮ܹܠܟܪܘܿ. ܡܲܦܠܸܚܘܼܢ ܠܫܸܛܚܵܐ ܕܠܲܡܛܵܐ ܩܵܐ ܛܲܐܲܠܬܵܐ ܨܲܠܡܸܢܵܢܬܵܐ.

• ܚܠܘܿܨܘܼܢ ܝܲܢ ܡܲܪܦܹܝܡܘܼܢ ܠܬܲܣܡܵܬܹܐ ܕܓ̰ܲܢܬܵܐ ܕܚܲܨܵܐ ܩܵܐ ܕܓ̰ܲܢܬܵܐ ܝܵܬܒܼܵܐ ܠܥܸܠ ܡܼܢ ܚܲܨܵܐ ܕܫܲܒܼܪܵܘܟܼܘܿܢ.

• ܡܲܒܪܹܝܡܘܼܢ ܚܕܵܐ ܓܲܢܬܵܐ ܡܼܢ ܕܲܒܘܼܫܵܢܹܐ ܕܠܲܡܛܵܐ.

• ܚܲܦܛܘܿܢ ܪܫܵܡܬܵܐ ܥܲܠ ܪܘܼܫܡܵܐ ܕܫܸܡܵܐ.

• ܡܲܦܠܸܚܘܼܢ ܡܗܝܼܪܘܼܝܵܬܹܐ ܕܡܼܢ ܩܵܕ݉ܡ ـ ܟܬܵܒܼܬܵܐ.

ܩܪܵܝܬܵܐ

ܪܫܵܡܬܵܐ ܘܥܒܼܵܕܬܵܐ ܕܪܘܼܫܡܹܐ ܟܹܐ ܫܵܒ݂ܩܵܐ ܩܵܐ ܫܲܒܼܪܹܐ ܕܗܲܡܙܸܡܝܼ ܒܘܼܬ ܓܵܢܲܝܗܝ ܒܐܘܼܪܚܵܐ ܡܲܒܪܸܝܵܢܬܵܐ. ܒܓ̰ܲܪܲܒܬܵܐ ܕܡܲܦܠܲܚܬܵܐ ܕܩܲܠܵܡܹܐ ܡܓܵܘܢܵܢܹܐ ܥܲܠ ܘܲܪܵܩܵܐ، ܫܲܒܼܪܹܐ:

ܥܵܒܼܘܿܕܘܵܬܹܐ ܡܸܬܒܲܪܝܵܢܹܐ

ܛܲܐܲܠܬܵܐ ܡܸܬܒܲܪܝܵܢܬܵܐ ܟܹܐ ܡܚܲܦܛܵܐ ܟܠܲܝܗܝ ܐܵܢܝܼ 5 ܪܸܓܼܫܹܐ ܕܫܲܒܼܪܵܘܟܼܘܿܢ ـ ܚܙܵܝܬܵܐ، ܡܲܡܲܚܬܵܐ، ܫܡܸܥܬܵܐ، ܕܩܵܪܬܵܐ ܘܛܥܵܡܬܵܐ. ܝܼܠܵܗܿ ܚܕܵܐ ܐܘܼܪܚܵܐ ܡܲܚܡܸܠܵܢܬܵܐ ܠܦܲܠܬܘܼܫܹܐ، ܡܲܫܟܼܘܼܚܹܐ ܘܠܸܝܠܵܦܵܐ ܒܘܼܬ ܬܹܒܼܹܝܠ (ܕܘܼܢܝܹܐ) ܠܚܲܕܸܪܘܵܢܵܘܟܼܘܿܢ.

ܛܲܐܲܠܬܵܐ ܓܵܘ ܗܵܘܵܐ ܦܬܘܿܚܵܐ (ܠܒܼܲܕܲܪ ܡܼܢ ܒܲܝܬܵܐ)

ܛܲܐܠܬܵܐ ܡܕܘܼܒܸܪܬܵܐ ܓܵܘ ܗܵܘܵܐ ܦܬܘܿܚܵܐ ܝܼܠܵܗܿ ܚܲܕ ܣܲܗܡܵܐ ܓܘܼܒܼܪܵܐ ܕܓܲܪܘܲܣܬܵܐ، ܡܛܲܘܪܵܢܘܼܬܵܐ ܘܛܵܒܼܘܼܬܵܐ ܕܚܲܝܹܐ ܩܵܐ ܫܲܒܼܪܵܘܟܼܘܿܢ.

ܫܲܒܼܪܹܐ ܡܵܨܝܼ ܕ:

ܛܲܐܲܠܬܵܐ ܕܪܵܡܵܝܬܵܐ

ܛܲܐܲܠܬܵܐ ܕܛܲܐܲܠܝܵܬܹܐ ܥܲܡ ܒܲܝܬܘܼܬܵܐ ܘܚܲܒܼܪܵܢܹܐ ܝܼܠܵܗܿ ܚܕܵܐ ܐܘܼܪܚܵܐ ܪܹܫܵܝܬܵܐ ܠܒܢܵܝܵܐ ܡܗܝܼܪܘܼܝܵܬܹܐ ܫܲܘܬܵܦܵܝܹܐ ܕܫܲܒܼܪܵܘܟܼܘܿܢ.

ܛܲܐܲܠܝܵܬܹܐ ܡܵܨܝܼ ܗܲܝܸܪܝܼ ܫܲܒܼܪܹܐ ܕܝܵܠܦܝܼ ܡܗܝܼܪܘܼܝܵܬܹܐ ܕܡܲܢܵܝܘܼܬܵܐ، ܕܠܸܫܵܢܵܐ ܘܕܫܪܵܝܬܵܐ ܕܩܸܛܪܹܐ.

ܒܢܵܝܬܵܐ ܕܟܢܘܼܫܬܵܐ

ܛܲܐܲܠܬܵܐ ܝܼܠܵܗܿ ܕܵܐܟܼܝܼ ܫܲܒܼܪܹܐ ܟܹܐ ܡܲܫܟܼܚܝܼ ܘܝܵܠܦܝܼ ܒܘܼܬ ܓܵܢܲܝܗܝ ܘܒܘܼܬ ܬܹܒܼܹܝܠ ܕܚܲܕܸܪܘܵܢܲܝܗܝ. ܩܵܐ ܫܲܒܼܪܹ̈ܐ، ܛܲܐܲܠܬܵܐ ܘܝܠܵܦܬܵܐ ܟܹܐ ܓ̰ܵܘܓ̰ܝܼ ܥܲܡܚܕܵܕܹ̈ܐ. ܡܸܢܕܝܼܵܢܹܐ ܕܓܵܘ ܟܝܼܣܬܵܐ ܕܓܲܢܬܵܐ ܕܫܲܒܼܪܹܐ ܟܹܐ ܣܵܢܕܝܼ ܠܵܘܟܼܘܿܢ ܩܵܐ ܕܗܵܘܹܐܠܵܘܟܼܘܿܢ ܣܘܼܘܵܕܹܐ ܒܘܼܬ ܦܪܝܼܫܘܼܬܵܐ ܘܡܲܪܕܘܼܝܵܬܹܐ ܦܪܝܼܫܹܐ.

ܟܬܵܒܼܹ̈ܐ ܒܠܸܫܵܢܵܐ ܕ Auslan

Auslan ܝܼܠܹܗ ܠܸܫܵܢܵܐ ܕܪܸܡܙܹܐ ܡܘܼܦܠܸܚܵܐ ܓܵܘ ܚܘܼܪܙܵܐ ܕܠܸܫܵܢܵܐ ܕܫܲܒܼܪܘܼܬܵܐ ܒܟܼܝܼܪܵܝܬܵܐ ܕܓܵܘ ܒܼܸܟܬܘܿܪܝܵܐ. ܐܵܗܵܐ ܚܘܼܪܙܵܐ ܡܸܬܩܲܢܝܵܢܵܐ ܝܠܹܗ ܓܵܘ ܚܲܕܟܡܵܐ ܓܲܢܵܬܹܐ ܕܫܲܒܼܪܹܐ ܕܒܥܘܼܡܪܵܐ ܕܐܲܪܒܥܵܐ ܫܸܢܹܐ.

ܐܝܼܬ ܪܵܒܵܐ ܝܘܼܬܪܵܢܹܐ (ܦܲܝܕܹܐ) ܩܵܐ ܫܲܒܼܪܹܐ ܕܒܸܝܠܵܦܵܐ ܝܢܵܐ ܚܲܕ ܠܸܫܵܢܵܐ ܐ݉ܚܹܪ݉ܢܵܐ ܒܚܲܕ ܥܘܼܡܪܵܐ ܒܟܼܝܼܪܵܐ، ܒܸܚܒܼܵܫܵܐ:

ܛܵܒ݂ܘܼܬܵܐ ܕܚܲܝܹܐ ܘܣܢܵܕܬܵܐ ܙܵܘܕܵܢܬܵܐ

ܟܠܲܝܗܝ ܫܲܒܼܪܹ̈ܐ ܟܹܐ ܝܵܠܦܝܼ ܒܐܘܼܪ̈ܚܵܬܹܐ ܦܪ̈ܝܼܫܹܐ ܘܒܓ̰ܲܠܕܘܼܬܵܐ ܕܠܲܚܡܵܐ ܥܲܡܲܝܗܝ. ܟܝܼܣܝܵܬܹܐ ܕܓܲܢܬܵܐ ܕܫܲܒܼܪܹܐ ܟܹܐ ܡܲܩܪܸܒܼܝܼ ܟܬܵܒܼܹ̈ܐ ܘܒܘܼܩܝܵܬܹ̈ܐ ܕܝܘܼܠܦܵܢܵܐ ܩܵܐ ܫܲܒܼܪܵܘܟܼܘܿܢ ܕܡܵܨܝܼ ܦܵܝܫܝܼ ܡܘܼܦܠܸܚܹܐ ܒܐܘܼܪ̈ܚܵܬܹܐ ܦܪ̈ܝܼܫܹܐ ܩܵܐ ܕܚܵܦܛܝܼ ܩܵܐ ܟܠܲܝܗܝ ܡܨܵܝܵܬܹ̈ܐ.

ܐܸܢ ܐܲܚܬܘܿܢ ܘܫܲܒܼܪܵܘܟܼܘܿܢ ܣܢܝܼܩܹܐ ܝܬܘܿܢ ܠܣܢܵܕܬܵܐ ܙܵܘܕܵܢܬܵܐ، ܗܲܝܲܪܬܵܐ ܡܸܬܩܲܢܝܵܢܬܵܐ ܝܠܵܗܿ ܒܐܲܢܹܐ ܐܘܼܪܚܵܬܹܐ ܕܒܹܐܬܵܝܵܐ ܝܢܵܐ:

ܬܲܚܡܸܢܘܼܢ ܕܫܲܪܝܼܬܘܿܢ ܚܲܕ ܫܘܼܓܼ݉ܠܵܐ ܓܵܘ ܩܲܛܵܥܵܐ ܕܓܲܢܬܵܐ ܕܫܲܒܼܪܹܐ ܕܓܲܪܘܘܼܣܹܐ ܝܠܹܗ ܓܵܘ ܒܼܸܟܬܘܿܪܝܵܐ. ܠܣܢܵܕܬܵܘܟܼܘܿܢ ܕܗܵܘܝܼܬܘܿܢ ܚܲܕ ܡܲܠܦܵܢܵܐ ܕܫܲܒܼܪܘܼܬܵܐ ܒܟܼܝܼܪܵܬܵܐ ܝܲܢ ܚܲܕ ܡܲܠܦܵܢܵܐ، ܐܝܼܬ: