Naa yïn aaye abakök wälë raan bä ke yï kaat wïc të cieŋ thɛɛr kë yïn lëu bï yï gam tënë Early Start Kindergarten (ESK). ESK alëu bï kony ago yök në adɛt de thɛɛr juëc ke ajuiɛɛr/aguiɛɛr de rodha lëu bïk ya tɔ̈ në wik tökic tënë mɛnhdu.
Të cït të yennë gɔ̈t ɣöt thïn
ESK ee tɔ̈ në ajuɛɛr/aguiɛr ke kinder yee ke tɛkpiny në dupiööc cïï gam iic. Yïn lëu ba mɛnhdu gätpiny në yup bïn kinder thiök kenë yïn yuöp ku thiëcë kuba wëu ee miaac ke Early Start Kindergarten yök. loilooi ke kinder aayekï lëu kubïk këde/luɔɔi gɛ̈r abɛc/apath yök kubë yïn kuɔny në thuɔŋdu ic.
Yïn lëu ba namba de Thiëc Mäktäm de Gɔ̈t de Kindergarten ë Run kaa Diäk cɔɔl në 1800 338 663 ic wälë akutnhomdun thiök në kuɔɔny. Kuba kuɔny yök në thoŋdu ic yïn lëu ba National Translating and Interpreting Service cɔɔl në 131 450 ic, thiëc agamlöŋ kubë namba akuutdun thiök kenë yïn cɔɔlic wälë Mäktäm de Gɔ̈t, ku agamlöŋ abë rëër në pun cök/kɔ̈u ku geeric.
Ye nɛn yennë thiɔ̈ɔ̈ŋ/gɛ̈t ɣöt
Mïth alëu bïk yök në luɔɔi de ESK të cï kek run kaa diäk thöl ke pɛɛi nïn 30 Pen ŋuan ŋoot në ye ruɔ̈n cenë kek gɔ̈t rin bïk lɔ në rodha de Run kaa Diäk yic. Tïŋ 'ee nɛn bennë gätpiny'.
Na cï mɛnhdu dhiëëth në kaam de pɛɛi nïn 1 Pen tök ku pɛɛi nïn 30 Pen ŋuan ke yïn lëu ba lɔc/kuany lɔn adɛ̈ ke ye ruɔ̈n yïndë yen bï kek Rodha de Run kaa Diäk. Mɛnhdu alëu bï rodha dekaa Diäk jɔɔk në ye ruɔ̈n töŋ cï kek run kaa 3 dööt kënë yic, ka në ye ruɔ̈n cï kek run kaa 4 dööt kënë yic. Na ye mɛnhdu rodha de run kaadiäk jɔɔk në ruɔ̈n cï yen run kaa 3 dööt ke ka bï thukul jɔɔk në ruɔ̈n cï yen run kaa 5 dööt. Na ca lɔc/kuany ba mɛnhdu tuɔɔc ë Rodha de Mïth nɔŋ run kaadiäk yic në ruɔ̈n cï kek run kaa 4 dööt, ka aabï thukul jɔɔk në ruɔ̈n cï yen run kaa 6 dööt.
Na wïc kuɔɔny ba ŋic ee nɛn bïnë mɛnhdu gam tënë ESK, kë yïn alëu ba Mäktäm dë Gɔ̈t, akuutdun thiök, nɔ̈ɔ̈r ku akïm de pial ë meth, wälë kinder tɔ̈ në ɣëladu ic, gɛrë ɣän tɔ̈ ciëënkä në ɣëladu yic:
- Namba ë Thiëc de Run kee Diäk dë Kindergarten 1800 338 663
- Brotherhood of St Laurence 03 9483 1183
- Foundation House 03 9389 8900
- Fka Children’s Services 03 9428 4471
- VICSEG New Futures 03 9383 2533
Lëu bï mɛnhdiɛ̈ lɔ në rodha de mïth nɔŋ run kaa ŋuan yic?
Ɣɛ̈ɛ̈, mïth cï lac lɔ në rodha yic aye yök ëyadɛ̈t në rodha de mïth nɔŋ run kaa ŋuan de abac ka cïnic wëu-juëc ye keek tääu piny thïn. Rodha de Mïth nɔŋ Run kaa Ŋuan ee rɔt looi amääth ke ye Thukul de göl, jɔɔk në 2025. Në ruɔ̈n ë 2026 yic, ke thɛɛr kaa 25 ke thukul ë göl aabï ya tɔ̈ në wikic ëbën tënë mïth cï:
- jɛ̈l cök abaköök iic wälë ayɔ̈m wïc të cieŋ
- cïke ŋic/deet kë kee kɔc Aborigin wälë kɔc ke Torres Strait Island
- cïï paanden/aniɛ̈nden rɔ̈mpiny/yök kenë loilooi ke akutnhom de gël ë meth.
Të cï yïn thiɔ̈ɔ̈ŋ/rin gät piny tënë ESK në ruɔ̈n wään thɛɛr yiic, ka yïn abï yök ke mɛnhdu alëu bï yök në thää ke Pre-Prep cï juak yiic në wik yiic ke cie të tɔ̈ kek thïn në Victoria. Kɔc ke baai aabï yök në thukul ë göl agut cï të kën kek röt gɔ̈t tënë ESK në ruɔ̈n thɛɛr wään thɛɛr yic.
Updated