اگه شیمو از نفرای پناهجو یا پناهند استید شاید مستحق شروع زودهنگام کودکستان (ESK) شونید. ESK می تینه کمک کنه تاکه شیمو حد اکثر استفاده از ساعتای برنامه کیندر (کودکستان) مفت ره که امکان دشته شه هر هفته بلده طفل خو بدست بیارین.
چی رقم درخواست کنی
ESK د تمام برنامای کیندر (کودکستان) که توسط یک معلم با تجربه ارائه موشه د دسترس استه. شیمو می تنید د یک کودکستان د نزدیک خو تماس گرفته طفل خوره ثبت نام کنید و بخوایید که د بودیجه کودکستان زودهنگام دسترسی پیدا کنید. خدمات کودکستان می تنن دسترسی د خدمات ترجمانی بلده کمک کدو د زیبون خود شیم دشته شن.
شیمو همچنین می تنید د خط مالوماتی کودکستان سه-ساله وزارت معارف د شماره 663 338 1800 یا شاروالی محلی خو بلده کمک زنگ ده اید. بلده کمک گرفتو د زیبون خود خو می تنید خدمات ترجمانی شفاهی و کتبی ملی ره د شماره 450 131 زنگ ده اید، از ترجمان بخوایید که د شماره شاروالی محلی شیم یا د وزارت معارف زنگ ده یه، و ترجمان د تلفون قد شیم مومنه و ترجمانی مونه.
چی وقت درخواست بیدی
کودکان که پیش از تاریخ 30 آپریل ده سالی که ده کودکستان سه ساله گی ثبت نام کده سه ساله موشه، میتنه به ESK مستحق شونه. به «چی وقت ثبت نام کنیم» مراجعه کید.
اگه اولاد شیم ده بین تاریخ 1 جنوری و 30 آپریل بدنیا امده، شمو میتنید انتخاب کید که ده کدام سال اونا کودکستان سه سالگی ره شروع کنه. اولاد شیم میتنه کودکستان سه سالگی ره د امو سال که اونا سه ساله موشه شروع کنه، یا د سال که اونا 4 ساله موشه شروع کنه. اگه اولاد شیم کودکستان سه سالگی ره د سالی شروع مونه که سه ساله موشه، اونا باز مکتب ره ده 5 سالگی شروع مونه. اگه انتخاب کدید که اولاد خوره ده سند 4 سالگی ده کودکستان 3 سالگی روان کید، اونا باز مکتب خوره ده سند 6 سالگی شروع خواد کد.
اگه بلده ازیکه مالوم کنید که طفل شیم چی وقت بلده برنامه ESK مستحق موشه د کمک نیاز درید، می تنید قد وزارت معارف، شاروالی محلی، نرس صحت طفل و مادر، یا یک کیندر د منطقه خو، یا اگو دنه ازی سازمان ره د منطقه خو تماس بیگرید:
- خط معلوماتی کودکستان سه ساله 663 338 1800
- Brotherhood of St Laurence شماره تلفون: 1183 9483 03
- Foundation House شماره تلفون: 8900 9389 03
- خدمات اطفال Fka شماره تلفون: 4471 9428 03
- VICSEG New Futures شماره تلفون: 2533 9383 03
آیا اولاد ازمه باید ده کودکستان 4 سالگی بوره؟
بلی، اولادای که ده شروع کودکستان زودهنگام دسترسی دشتن، همچنان مستحق کودکستان 4 سالگی ارزان استه. کودکستان 4 سالگی آهسته آهسته تبدیل به مکتب پیش آمادگی د سال 2025 خواد شد. د سال 2025، تا 25 ساعت هر هفته از مکتب پیش آمادگی بلدی اولادای که:
- از مردمای مهاجر یا پناهجو استن
- به حیث بومی یا مردمای جزیره نشین تنگی تورس شناسایی موشن
- فامیل شی قد سازمان محافظت اطفال د تماس بوده.
ثبت نام از طریق ESK د سال گذشته ضمانت مونه که اولاد شیم بدون در نظرداشت ای که ده کجای ویکتوریا زندگی مونه د ساعتهای مکتب پیش آمادگی هر هفته دسترسی دشته باشه. خانوادا حتی اگه ده سال گذشته ده برنامه ESK ثبت نام کده نباشد هم مستحق مکتب پیش آمادگی خواد بود.
Updated