እንዴት እና መቼ መመዝገብ እንደሚቻል (How and when to enrol) - አማርኛ (Amharic)

ስለ ምዝገባው ሂደት ከአካባቢዎ ምክር ቤት ወይም ከመዋዕለ ሕፃናት አገልግሎት ጋር ይነጋገሩ። እንዲሁም የሶስት አመት እድሜ መዋዕለ ህፃናት መጠየቂያ መስመር በስልክ 1800 338 663 ላይ መደወል ወይም ወደ 3YO.kindergarten@education.vic.gov.au ኢሜይል ማድረግ ይችላሉ። በቋንቋ ድጋፍ ወይም አስተርጓሚ ለማግኘት በመጀመሪያ ወደ 131 450 ይደውሉ።

ቀደም ብሎ የሚጀምር መዋዕለ ህፃናት (ESK)

ከስደተኛ ወይም ከጥገኝነት ጠያቂ ዳራ የመጡ ልጆች ተጨማሪ ድጋፎችን ማግኘት እና በቅድሚያ ቀደም ብሎ የሚጀምር መዋዕለ ህፃናት (Early Start Kindergarten) ማግኘት ይችላሉ። ልጅዎን በሚያስመዘግቡበት ጊዜ ስለ ቀደም ብሎ የሚጀምር መዋዕለ ህፃናት (Early Start Kindergarten) የአካባቢዎን አገልግሎት መጠየቅ ይችላሉ ወይም ለበለጠ መረጃ ቀደም ብሎ የሚጀምር መዋዕለ ህፃናት (Early Start Kindergarten)ን ይጎብኙ።

መቼ መመዝገብ እንደሚቻል

በቪክቶሪያ፣ ልጆች 3 ዓመት ሲሞላቸው በመዋዕለ ሕጻናት ፕሮግራም መጀመር ይችላሉ። የሶስት እና የአራት አመት መዋዕለ ህፃናትን ወይም Pre-Prepን በየትኛው አመት መጀመር እንደሚችሉ ለማወቅ የልጅዎን የልደት በመጀመሪያ ዕድሜ ማስያ (Starting Age Calculator) ውስጥ ማስገባት ይችላሉ።

ልጅዎ ከጃንዋሪ 1 እስከ ኤፕሪል 30 ባለው ጊዜ ውስጥ ከተወለደ የሶስት አመት ህጻናት መዋእለ ሕፃናትን በየትኛው አመት እንደሚጀምሩ መምረጥ ይችላሉ። ልጅዎ የሶስት አመት መዋእለ ሕፃናትን በሶስት አመት በሚሞላበት አመት ወይም አራት አመት ሲሞላቸው መጀመር ይችላል። ልጅዎ የሶስት አመት መዋእለ ሕፃናትን በሶስት አመት በሚሞላበት አመት ከጀመረ በ5 አመታቸው ትምህርት ይጀምራሉ። ልጅዎን በአራት አመታቸው በሚሞላበት አመት የሶስት አመት መዋእለ ሕፃናት ለመላክ ከመረጡ በስድስት አመታቸው ትምህርት ይጀምራሉ።

የመዋዕለ ህጻናት (ኪንደር) ፕሮግራም ማግኘት

የተፈቀደ ኪንደር ፕሮግራም የሚያቀርቡ አገልግሎቶችን ለማግኘት፣ መዋእለ ሕፃናትን ፕሮግራም ፈልግ የሚለውን ድህረ-ገጽ ይጎብኙ። የአካባቢዎ ምክር ቤት እና የመዋዕለ ህፃናት አገልግሎቶች በመዋዕለ ህፃናት ውስጥ ቦታ እንዲያገኙም ሊረዱዎት ይችላሉ።

የመዋዕለ ሕጻናት (ኪንደር) ምልክትን ይመልከቱ

የመዋዕለ ሕጻናት (ኪንደር) ምልክት (Kinder Tick) የቪክቶሪያ ቤተሰቦች ለልጆቻቸው የተፈቀደ የመዋዕለ ሕጻናት ፕሮግራም እንዲያገኙ ይረዳል።

በአካባቢዎ የመዋዕለ ህፃናት አገልግሎት፣ በአገልግሎቱ ወይም በማዕከሉ ሕንፃ ወይም ግቢ፣ በድረ ገጻቸው ወይም በመረጃ ወረቀታቸው ላይ መዋዕለ ህፃናት (ኪንደር) ምልክት አርማ ይፈልጉ።