Min apnak kong he pehtlai in na pawngkam khawngsil asiloah tuallengsianginn riantuannak kha chawn hna. Kumthum-Tling Tuallengsianginn Halnak Line 1800 338 663 zong na chawnh khawh hna asiloah Email 3YO.kindergarten@education.vic.gov.au. Na holh in bawmh na duh ahcun asiloah holhlettu na duh ahcun 131 450 ah chawn hmasa.
Tuan Thok Tuallengsianginn (Early Start Kindergarten, ESK)
Ralzaam asiloah dornak haltu sinak in a rami ngakchia hna zong nih a dang bawmhchapnak an hmu kho cun, Tuan Thok Tualleng Sianginn sin in tuallengsianginn kainak zong papek deuh in kai khawhnak lam an hmuh khawh. Na fa siangkai dingin min apnak na tuah tik ah Tuan Thok Tuallengsianginn kong cu nan umnak sang i riantuannak ah na hal khawh hna asiloah tamdeuh theihhngalhnak caah Tuan Thok Tuallengsianginn ah zoh.
Zeitik caan ah dah min cazin pek ding a si
Victoria ah ngakchia cu kum 3 an tlin tikah tuallengsianginn ah siangkai thawk khawh a si. Zeitik kum indah Kumthum-le Kumli-Tling Tuallengsianginn asiloah Tuan-Kainak a thawk khawh lai ti hngalhnak caah na fa chuahni kha Thawk Kum Tuaknak Seh ah khumh.
Na fa cu January 1 le April 30 karlak ah a chuah ahcun zei kum ah dah Kumthum-Tling-Tuallengsianginn kai hram a thawk lai ti kha na thim khawh. Na fa Kum 3 a tlin kum ah asiloah, kum 4 a tlin tikah, Kumthum-Tling-Tuallengsianginn a thawk khawh. Na fa kum 3 a tlin kum ah Kumthum-Tling-Tuallengsianginn a thawk ahcun kum 5 a tlin tikah sianginn kai a thawk ve lai. Na fa kum 4 a tlin kum ah Kumthum-Tling-Tuallengsianginn ah kai dingin naa thim ahcun, kum 6 a tlin tik ah sianginn kai a thawk lai.
Tuallengsianginn parawkarem kha kawl
Cohlanmi tuallengsianginn parawkarem a petu rianttuannak hmuh awkah tuallengsianginn parawkarem website ah kawl. Na pawngkam khawngsil le tuallengsianginn rianttuannak hna zong nih tuallengsianginn ah hmunhma hmuh khawhnak lam an in bawmh khawh.
Ngakchia Hmelchunhnak kha kawl
Tualleng Hmelchunhnak nih Victorian chungkhar hna cu an fale caah cohlanmi tuallengsianginn parawkarem hmuh awkah a bawmh hna.
Na pawngkam tuallengsianginn rianttuannak i an riantuannak ah, inn ah siseh, an website ah siseh an thawngpang le an konglam cauk ah Tuallengsianginn Hmelchunhnak kha kawl.
Updated