د نوم لیکنې د پروسې په اړه له خپلې سیمه ایزې ښاروالۍ یا وړکتون سره خبرې وکړئ. تاسو کولای شئ د درې کلنو وړکتون د پوښتنو ټیلیفوني کرښې ته په 663 338 1800 شمېره زنګ ووهئ یا 3YO.kindergarten@education.vic.gov.au ته بریښنالیک واستوئ. د ژباړونکي یا خپلې ژبې د مرستې لپاره، لومړی د ۴۵۰ ۱۳۱ شمیرې ته زنګ ووهه.
ژر/وختي پیلیدونکی وړکتون (ESK)
د پناه غوښتونکو یا کډوالو ډلو ماشومان کولای شي د ژر/وختي پیلیدونکي وړکتون له لارې وړکتون ته د لاسرسي لومړیتوب ترلاسه کړي او اضافي مرستو ته لاره پیدا کړي. د نوم لیکنې پر مهال تاسو کولای شئ د ژر پیلیدونکي وړکتون په اړه له خپل سیمه ایزو خدمتونو نه پوښتنه وکړئ، یا د نورو مالوماتو لپاره ژر پیل کیدونکی وړکتون ته مراجعه وکړئ.
کله نوم لیکنه وکړو
په ویکتوریا کې، تاسو کولای شئ ماشومان په وړکتون کې په ۳ کلنۍ کې شامل کړئ. که تاسو غواړئ پوه شئ چې ماشوم مو د درې کلنو او څلور کلنو وړکتون یا د ښونځي د لومړي ټولګي د امادګۍ دوره په کوم کال کې پیلولای شي نو د ماشوم د زیږیدنې نيټه د عمر معلومولو ماشین کې دننه کولای شې.
که د جنورۍ ۱ او اپریل ۳۰ نیټې تر مینځ مو ماشوم زیږیدلی وي تاسو انتخابولای شئ چې ماشوم مو له کوم کال نه د درې کلنو وړکتون پيل کړي. په هغه کال مو چې ماشوم درې کلن شو یا څلور کلن کولای شي په همغه کال د درې کلنو ماشومانو وړکتون پیل کړي. که ماشوم مو په درې کلنۍ کې د درې کلنو وړکتون پیل کړي نو دوی به بیا په ۵ کلنۍ کې خپل ښونځی پیلوي. که ماشوم مو په څلور کلنۍ کې د درې کلنو وړکتون ته واستوو بیا به هغوی په ۶ کلنۍ کې خپل ښونځی پیلوي.
د وړکتون یو پروګرام پیدا کړئ
که غواړئ هغو خدمتونو یا دفترونو ته لاسرسی پیدا کړئ چې تایید شویو وړکتونونو پروګرامونه لري، نو د وړکتون یو پروګرام پیدا کولو ویب پاڼی ته مراجعه وکړئ. ستاسوسیمه ایزې ښاروالي او د وړکتون خدمتونه هم کولای شي ستاسو سره په وړکتون کې د ځای موندلو لپاره مرسته وکړي.
په وړکتون باندې د تایید نښه یا علامه ولټوه
په وړکتون د تایید علامه یا نښه د ویکتوریا له کورنیو سره مرسته کوي چې د خپلو ماشومانو لپاره د وړکتون یو منل شوی پروګرام پیدا کړي.
د خپل سیمه ایزوړکتون خدمت کې د وړکتون ټیک لوګو، په خدمتونویا مرکزي ودانۍ یا میدانونو، یا د دوی په ویب پاڼه یا د دوی په معلوماتي موادوکې وګورئ.
Updated