Talanoa i lau fono lotoifale po'o auaunaga a'oga fa'ata'ita'i e fa'atatau i faiga o lesitala. E mafai fo'i ona e viliina le laina a le A'oga Faata'ita'i Tolu-Tausaga-Matua Faafesili i le 1800 338 663 poo le imeli 3YO.kindergarten@education.vic.gov.au. Mo se lagolago i lau gagana po'o le fia maua ose fa'aliliu'upu, valaau muamua 131 450.
A'oga Fa'ata'ita'i Vave Amata (AFVA)
O tamaiti mai le au sulufa'i po'o tupuaga asylum seeker e mafai ona maua lagolago fa'aopopo ma maua avanoa fa'amuamua e ala i le A'oga Fa'ata'ita'i Vave Amata. E mafai ona e fesili i lau auaunaga fa'alotoifale e fa'atatau i le A'oga Fa'ata'ita'i Vave Amata pe a lesitala lau tama, poo le asiasi A'oga Fa'ata'ita'i Vave Amata mo nisi fa'amatalaga.
Afea e lesitala ai
I Vitoria, e mafai ona amata tamaiti i se polokalame a a'oga fa'ata'ita'i pe a tolu tausaga le matutua. E mafai ona e tu'uina le asofanau o lau tama i le Masini Matematika a Tausaga Amata e iloa ai po'o le a le tausaga e mafai ona amata ai i le A'oga Fa'ata'ita'i Tolu-ma le Fa-Tausaga - Matua po'o le A'oga-Faa-sauni.
Afai o lau tama sa fanau i le va o Ianuari 1 ma Aperila 30 e mafai ona e filifili poo lea le tausaga e amata ai i le A'oga Fa'ata'ita'i Tolu-Tausaga-Matua. E mafai e lau tama ona amata i le A'oga Fa'ata'ita'i Tolu-Tausaga-Matua i le tausaga lava lea e atoa ai le 3, po'o le tausaga lea e atoa ai le 4 tausaga le matua. Afai o lau tama ua amata le A'oga Fa'ata'ita'i Tolu-Tausaga-Matua i le tausaga ua atoa ai le 3 o le a amata loa ona a'oga i le tausaga e atoa ai le 5. Afai ua e filifili e ave lau tama i le A'oga Fa'ata'ita'i Tolu-Tausaga-Matua ina ua atoa le 4, o le a amata a'oga i le tausaga e atoa ai le 6.
Saili se polokalame a'oga fa'ata'ita'i
Mo le sailiga o auaunaga e ofoina atu polokalame fa'aa'oa'oga, asiasi i le su'e se upega tafa'ilagi o polokalame a'oga fa'ata'ita'i. O lau fono lotoifale ma auaunaga o a'oga fa'ata'ita'i e mafai fo'i ona fesoasoani ia oe ia maua se avanoa.
Vaai mo le Kinder Tick
O le Kinder Tick e fesoasoani i aīga Vitoria e saili se polokalame ua fa'amaonia a a'oga fa'ata'ita'i mo latou fanau.
Vaai mo le tagāvai a le Kinder Tick i le auaunaga o a'oga amata i lou lotoifale, i luga o le auaunaga poo fale o le laumua poo malae, i luga o le latou upega tafa'ilagi poo latou pepa o faamatalaga.
Updated