Afai o lou tala'aga o oe o se tagata sulufa'i e ono mafai ona e agava'a i le A'oga Fa'ata'ita'i Vave Amata (ESK). E mafai e le ESK ona fa'amautinoa e te mauaina le aofa'i aupito maualuga o itulā o polokalame a a'oga fa'ata'ita'i e leai se totogi i vaiaso ta'itasi mo lau tama.
Faapefea ona talosaga
O le ESK e maua i polokalame uma a a'oga fa'ata'ita'i e a'oa'oina e se faia'oga ua fa'au'u. E mafai ona e lesitalaina lou alo e ala i le fa'afeso'ota'i o se a'oga fa'ata'ita'i e latalata ane ia oe ma talosaga ia maua mai se foa’i mai le A'oga Faata'ita'i Vave Amata. E maua e a'oga fa'ata'ita'i auaunaga fa'aliliu'upu e leai se totogi e lagolago ia oe i lau lava gagana.
E mafai fo'i ona e feso'ota'i i le Department of Education A'oga Faata'ita'i Tolu-Tausaga-Matua i le Laina o Faafesili i le 1800 338 663 po'o lau fono o le lotoifale mo se fesoasoani. Mo le mauaina o se fesoasoani i lau gagana e mafai ona e vili i le Auaunaga o Fa'aliliu'upu ma Fa'amatala'upu a le Atunu'u i le 131 450, talosaga i lau fa'amatala'upu e vili le numera a le fono a lou lotoifale po'o le Matagaluega o A'oga, ma e nofo lava le fa'amatala'upu i le telefoni ma fa'amatala.
O afea e talosaga ai
O tamaiti e agava'a mo ESK pe afai o le a atoa le tolu o tausaga ae le'i o'o ile aso 30 Aperila i le tausaga e ulufale ai i le A'oga Fa'ata'ita'i mo Tamaiti Tolu-Tausaga- le Matutua. Vaai ‘afea e lesitala ai’.
Afai o lau tama sa fanau i le va o Ianuari 1 ma Aperila 30 e mafai ona e filifili poo lea le tausaga e amata ai i le A'oga Fa'ata'ita'i Tolu-Tausaga-Matua. E mafai e lau tama ona amata i le A'oga Fa'ata'ita'i Tolu-Tausaga-Matua i le tausaga lava lea e atoa ai le 3, po'o le tausaga lea e atoa ai le 4 tausaga le matua. Afai o lau tama ua amata le A'oga Fa'ata'ita'i Tolu-Tausaga-Matua i le tausaga ua atoa ai le 3 o le a amata loa ona a'oga i le tausaga e atoa ai le 5. Afai ua e filifili e ave lau tama i le A'oga Fa'ata'ita'i Tolu-Tausaga-Matua ina ua atoa le 4, o le a amata a'oga i le tausaga e atoa ai le 6.
Afai e te mana'omia se fesoasoani ia iloa ai po'o afea e agava'a ai lau tama i le ESK, e mafai ona e feso'ota'i le Matagaluega o A'oga, fono a lou lotoifale, lou tausi soifua mo tamaiti ma tina moni, poo se a'oga fa'ata'ita'i, pe so'o se fa'alapotopotoga i lou pitonu'u ua ta'ua i lalo:
- Three-Year-Old Kindergarten Enquiry Line 1800 338 663
- Brotherhood of St Laurence 03 9483 1183
- Foundation House 03 9389 8900
- Fka Children’s Services 03 9428 4471
- VICSEG New Futures 03 9383 2533
E tatau ona alu la'u tama i le A'oga Fa'ata'ita'i Fa-Tausaga-Matua?
Ioe, o tamaiti sa maua avanoa i A'oga Fa'ata'ita'i Vave Amata ua agava'a foi mo A'oga Fa'ata'ita'i Fa-Tausaga-Matua e leai se pili e totogia po'o le taugofie o le pili. O le A'oga Fa'ata'ita'i Fa-Tausaga-Matua ua fa'asolo malie e avea ma a'oga Fa'a-sauni, e amata i le 2025. I le 2026, o le a o'o atu ai i le 25 itula avanoa i vaiaso ta'itasi i a'oga Fa'a-sauni mo tamaiti o:
- latou tupu'aga o tagata sulufai, poo tagata sulufa'i faapolokiki
- faasinomaga o se Apoliki ma/poo Tagata atumotu o Torres Strait
- latou aīga na feso'ota'i ma le puipuiga o tamaiti.
O le lesitala i ESK i le tausaga ua mavae e mautinoa ai o lau tama e mafai ona maua avanoa o le siitia o itula Faa-sauni i le vaiaso e le afaina po'o fea o nofo ai i Vitoria. O le a agava'a aiga mo a'oga Faa-sauni e tusa pe lei lesitalaina i ESK i le tausaga ua mavae.
Updated